1) Islaami tareekh: (Hazrat Aadam a.s)
Insani tareekh ki shuruaat Hazrat Aadam (a.s) se hoti hai. Aadam (a.s) duniya ke sab se pehle insaan aur pehle nabi o rasool hain. Is duniya mein jitne insaan aabad hain woh sab insaan Aadam (a.s) ki aulaad hain isi liye inhein bashar (insaano) ke baap kaha jaata hai. Allah ta’ala ne in ke jism ko mitti se banaya phir is mein rooh phoonki to woh ek zinda insaan ban gaye. Paidaish ke baad Allah ke hukm se Hazrat Aadam (a.s) ne farishton ko salaam kiya aur kaha: “assalaamu alaikum”, farishton ne jawaab diya: “assalaamu alaika-o-rehmatullah”, aisa hi tareeqa salaam ka musalmanon ke liye jaari hua.
2) Aap (s.a.w) ka mu’jaza: (Hitta pahad thehar gaya)
Rasool (s.a.w) ek martaba uhud pahad par chadhe. Aap (s.a.w) ke saath Hazrat Abu Bakar, Umar aur Usman ajmaeen bhi they. Woh pahad hilne laga Rasool (s.a.w) ne pahad par apna paoon maar kar farmaya: Aye uhud! thehar ja tujh par ek nabi ek siddique aur do shaheed hain (to pahad thehar gaya).
[Bukhari: 3675, an Anas]
Faaidah: Rasool (s.a.w) ki is peshengooi ke mutabiq Hazrat Umar-o-Usman shaheed huye.
3) Ek farz ke baare mein: (Biwi ko is ki mehr dena farz hai)
Biwi ko is ka mehr dena farz hai agar woh kuch hissa ya poora mehr khushi dil ke saath maaf karde to koi baat nahin kyun ki Allah ta’ala Qur’an paak mein farmata hai: aurton ko unke mehr khushi se do phir agar woh apni khushi se is mein se kuch chod den to tum us ko le sakte ho.
[Makhooz az Surah-e-nisa: 4]
4) Huzoor (s.a.w) ki ek sunnat: (Dastarkhwan bichha kar khana)
Hazrat Anas (r.t.a) farmate hain ke rasool (s.a.w) ne na kabhi mez par aur na tashtariyon mein khana khaya poocha gaya phir kis par khate they? farmaya: dastarkhwan par.
[Bukhari: 5415, an Anas]
5) Ek nafil amal ki fazeelat: (Aashora (10 muharram) ke roze ki fazeelat)
Rasool (s.a.w) ne farmaya: roze rakhne mein kisi din ko kisi din par koi fazeelat nahin, magar mahe ramzaan ko aur aashore ke din ko.
[Tibrani kabeer: 1109, an ibn e abbas]
Khulaasa: Is hadees se ramzaan aur aashora ke rozon ki fazeelat saabit hoti.
6) Ek gunaah ke baare mein: (Hamal giraana shirk ke baad bada gunaah)
Ek shakhs ne nabi (s.a.w) se sawaal kiya: ya rasoolallah! Allah ta’ala ke nazdeek bada gunaah kaun sa hai? Nabi (s.a.w) ne farmaya: tu Allah ke saath kisi ko “shareek thehraye” phir us ne tujhe paida kiya hai. Us ne phir sawaal kiya: us ke baad kaun sa gunaah bada hai? Nabi (s.a.w) ne farmaya: tu apni aulaad ko rizqi tangi ke khauf se maar daaley.
[Bukhari: 6001, an ibn-e-masood]
Faaidah: Aaj kal log family planning ya ladki paida hone ke darr se hamal gira dete hain yeh apni aulaad ko maar dalne jaisa hai, jo bohat bada gunaah hai.
7) Duniya ke baare mein: (Allah ki nazar mein duniya)
Rasool (s.a.w) ne farmaya: Allah ta’ala ke nazdeek us ki makhlooqat mein se koi cheez duniya se ziyaadah qabil-e-nafrat nahin (yani sab se ziyaadah nafrat duniya se hai) aur us ne jab se us ko paida kiya hai kabhi bhi us ki taraf nazar bhar kar nahin dekha.
[Kanzul aamaal: 6099, an abi huraira]
8) Aakhirat ke baare mein: (Imaan walon ke liye jannat ke inaamaat)
Quran paak mein Allah ta’ala farmata hai: (Jannat mein Allah ta’ala jannatiyon se farmayenge) Aye mere bandon! Aaj ke din na tumhein koi khauf hoga aur na tum ghamgeen ho ge. Jannat mein daakhil ho jao tum aur tumhari biwiyon ki izzat ki jayegi aur jannat mein jamatiyon ke liye woh hoga jo kuch woh chahenge jis se un ki aankhein lazzat paayengi. Tum is mein hamesha rahoge.
[Surah-e-zakhraf: 68-71]
9) Quran aur tib-e-nabvi se ilaaj: (Zakham ka ilaaj)
Rasool (s.a.w) ko jab zakham hota ya kaanta chubhta to nabi (s.a.w) us par mehandi ka laip laga dete.
[Ibn-e-Majah: 3502, an salma]
10) Quran ki naseehat:
Quran paak mein Allah ta’ala farmata hai: agar tum (apne oopar zulm karne walon se) badla to itna hi badla lo jitna tumhare saath zulm kiya gaya aur agar tum sabr karlo to yeh sabr karne walon ke haq mein bohat hi achchi baat hai.
[Makhooz az Quran Surah-e-nahl: 126]
1) Islaami tareekh: (Farishton ko sajde ka hukm aur shaitaan ka takabbur)
Allah ta’ala ne Hazrat Aadam (a.s) ki qadr-o-manzilat badhane ke liye farishton ko hukm diya ke Aadam (a.s) ko sajdah karein. Hukm sunte hi tamam farishtay sajde mein gir gaye, lekin shaitaan (Iblees) ne sajdah nahin kiya. Allah ta’ala ne Iblees se poocha ke tumne sajdah kyun nahin kiya? To us ne ghamand aur takabbur mein jawaab diya: main Aadam se behtar hoon, kyun ki tu ne mujhe aag se paida kiya hai aur Aadam (a.s) ko mitti se. Allah ta’ala ne farmaya: tu yahan se nikal ja. Qayamat ke din tak tujh par laanat rahegi. Iblees ne us waqt Allah ta’ala se Qayamat ke din tak ki mohlat maangi to Allah ta’ala ne use mohlat de di. Iblees ne kaha: main zaroor insaano ko behkaonga samne se, peeche se, daayen se aur baayen se yani har taraf se behkaonga. Allah ta’ala ne farmaya: tu yahan se nikal ja, jo teri maane ga hum us ko jahannum mein daal denge aur jo hamari maanaega hum use hamesha hamesha jannat mein daakhil karenge.
[Makhooz az Surah Al-A’raaf: 11 to 18]
2) Allah ki qudrat: (Samandar ka khaara hona)
Yeh duniya ek hissa zameen aur teen hissa samandar hai, aur us mein Allah ki be-hisaab makhlooq hain, jin mein najane kitne rozana paida hotey aur marte hain aur duniya bhar ki gandagi samandar mein daali jaati hai, lekin Allah ta’ala ne samandar ko khaara banaya, ye khaara pan samandar ki har qism ki gandagi ko khatam kar deta hai, agar aisa na hota to in gandagiyon ki samandar ki pura pani kharab aur badbudaar ho jaata, jis ki wajah se paani aur zameen dono jahanon mein rehne waali makhlooq ka bohat bada nuqsaan hota. Yeh Allah ta’ala ki qudrat hai ki us ne samandar ko khaara banaya.
3) Ek farz ke baare mein: (Rishwat se bachein)
Musalmanon ko apne har muamle mein halaal aur haraam ka khayal rakhna farz hai. Ihtiyaat kisi bhi muamle mein na kisi se rishwat lein aur na kisi ko rishwat dein, aisa karne wale ke liye sakht saza hogi. Chunanchah Rasool (s.a.w) ne rishwat dene wale aur lene wale par laanat farmayi hai.
[Tirmizi: 1256, an abi harira]
4) Quran aur Aap (s.a.w) se ek dua: (Deen-o-duniya ki jaame dua)
Rasool (s.a.w) aksar se yeh dua farmate they:
“Rabbana aatina fid-duniya hasanatan wa fil-aakhirati hasanatan wa qina azaaban-naar.”
Tarjuma: Aye hamare rab! hamein duniya mein bhi bhalaai naseeb farma aur aakhirat mein bhi bhalaai naseeb farma aur hamein dozakh ke azaab se bacha lijiye.
[Surah-e-Baqarah: 201, Bukhari: 4522, an Anas]
5) Ek nangi amal ki fazeelat :- (Betiyon ki achchhi parvarish ka sawab)
Aap (s.a.w) ka irshaad hai ki do betiyan hon aur us ne un ke saath achchha barto kiya to yeh betiyan us ko jannat mein daakhil kareingi.
Khulaasah : yahan do betiyon ka tazkirah hai, doosri hadeeson mein ek ya do se ziyaadah ki bhi is tarah ki fazeelat aayeh hai.
[Ibne-majah : 3670]
6) Ek gunnah ke baare mein :- (Mard-o-aurat ka ek doosre ki nakal karna)
Rasool (s.a.w) ne farmaya: Allah ta‘ala ne aisi aurat par laanat farmayi jo mard ka libaas pehanti hai aur aise mard par laanat farmayi jo aurton ka libaas pehanta hai.
[Ibne-majah : 1903, an abi hurairah]
7) Duniya ke baare mein :- (Duniya mein ilm-o-deen phailana)
Rasool (s.a.w) ne farmaya: (duniya mein) hasad agar jaiz hota to in do cheezon mein hota: ek yeh ke allah ta‘ala ne kisi ko maal diya ho aur woh us maal ko deen haq ke phailane ke liye kharch karne laga ho. doosra woh jise Allah ta‘ala ne ilm-o-hikmat ata ki ho jis ke zariye woh sahi faisla karta ho aur us ki ta‘alim deta ho.
[Muslim : 1896, an Ibn-e-masood]
8) Aakhirat ke baare mein :- (Jahannam ki chaar deewaar ki motai)
Rasool (s.a.w) ne farmaya: jahannam ki chaar deewarein hain. Har deewar ki motai chhales saal chalne ke barabar hai.
[Tirmizi : 2584, an abi sa‘d al khadri]
9) Quran aur tib nabvi se ilaaj :- (Dil ke daurey ka ilaaj)
Hazrat Sa‘ad bin Waqas farmate hain ke ek martabah main bimar hua, Rasool (s.a.w) mujhe dekhne ke liye tashreef laye aur apna haath mere seene ke darmiyan rakha to Rasool (s.a.w) ke haath ki thandak mere seene mein phail gayi, phir farmaya: use dil ka daura pada hai, use haaris bin kalda ke paas le jao, woh ek mahir tabib hai, haakim ko chahiye ke woh madine ki saat khajoorain guthliyon ke saath kooth kar use khilaaye.
[Abu Dawood : 3875, an Sa‘ad]
10) Aap (s.a.w) ki naseehat :-
Rasool (s.a.w) ne farmaya: aapas mein hasad na karo, ek doosre se badhne ki hawas na karo, bugz-o-kena na rakho aur na ek doosre se munh phero, balkay Allah ke bandon! Allah ke hukm ke mutabiq bhai bhai ban kar raho.
1) Islami tareekh :- (Hazrat Aadam aur hawwa ka jannat se nikalna)
Hazrat Aadam (s.a.w) ek arse tak jannat mein akele rahe, lekin musalsal akele rehne ki wajah se bechain mehsoos karne lage. chunanche Allah ta‘ala ne un ki pasli se Hazrat Hawwa ko paida kiya aur Hazrat Aadam (a.s) ne farmaya: tum dono jannat mein sukoon se raho aur jo chaho khao peeo magar is darakht ke qareeb mat jaana aur warna badi ghalti kar baitho ge. Shaitaan ne is mauqe ka faida uthaya aur waswasa daal kar un donon ke qadam dagmaga diye. Hazrat Aadam (a.s) bhool gaye ke Khuda ne is darakht ke qareeb jaane se mana kiya tha, chunanche us darakht ka phal kha liya. Allah ta‘ala ka gussa zaahir hua aur hukm hua ke yahan se nikal jao. ab tumhein jannat ki jagah zameen par rehna hai. jahan se nikal jaoge tumhein jannat se duniya mein bhej diya gaye.
2) Huzoor (s.a.w) ka maujizah :-
(Daant mubarak ke darmiyaan se noor nikalna)
Rasool (s.a.w) ke saamne ke donon daant kushadah they, baat karte huye un ke darmiyaan se noor nikalta hua mehsoos hota tha.
[Shamail Tirmizi : 3 an Ibn Abbas]
3) Ek farz ke baare mein :-
(Deen ke khilaf kaam mein maa baap ki na manna)
Aulaad ke liye maa baap ke har hukm ka manna farz hai, lekin agar walidain deen ke khilaf kisi kaam ka hukm den to un ki baat manna jaaiz nahin. Qur’an mein Allah ta‘ala farmata hai ke: agar walidain tujh par is baat ka dabaao daalein ke tu mere saath kisi ko shareek thehra to un ka kehna na manna.
[Makhzoon zzz surah Luqman : 15]
4) Aap (s.a.w) ki ek sunnat :- (Teen ungliyon se khana)
Hazrat Ka‘ab bin Malik (r.a) farmate hain: Rasool (s.a.w) teen ungliyon se khate they aur jab khana chaat lete they to ungliyan chaat lete they.
[Muslim : 528]
Khulaasah :
Khana ek ba‘ad ungliyon ko chaatna sunnat hai lekin is tarah na chaatna chahiye ke dekhne wale ko na-pasand lage.
5) Ek nafil amal ki fazeelat :- (Maah-e-Muharram mein roze ka sawab)
Rasool (s.a.w) ne farmaya: jis ne muharram mein ek din ka roza rakha to us ko har roze ke badle tees (30) din ke roze ka sawab mile ga.
[Tibrani sagar : 960, an ibn-e-abbas]
6) Ek gunnah ke baare mein :- (Bade gunnah)
Rasool (s.a.w) ne farmaya: “gunnah-e-qabeera yeh hain: Allah ke saath kisi ko shareek thehrana, walidain ki nafarmaani karna, kisi ko jaan boojh kar qatl karna aur jhooti qasam khana.”
[Bukhari : 6675, an Abdullah bin umar]
7) Duniya ke baare mein :- (Duniya Aakhirat ka zariya)
Rasool (s.a.w) ne farmaya: “duniya bahut hi achchha ghar hai us shakhs ke liye jo us ko Aakhirat ka zariya banaaye aur Allah ta‘ala ko us ke zariye raazi kar le aur bahut hi bura ghar hai us shakhs ke liye jis ko Aakhirat se rok de aur Allah ta‘ala ko naraaz kar de.”
[Mustadrik : 7870, an tariq]
8) Aakhirat ke baare mein :- (Jannat ka darakht)
Aap (s.a.w) ka irshaad hai: jannat mein koi darakht aisa nahin jis ka saaya sau saal tak chala ja sake.
[Tirmizi : 2716]
9) Qur’an aur tib-e-nabvi se ilaaj :- (Sehat ki hifazat ke liye ek ahem usool)
Rasool (s.a.w) ne farmaya: kisi khaali bartan ko bharna itna bura nahin hai jitna ke aadmi ka apne pet ko bharna, insaan ke liye chand lukme kaafi hain jo us ki peeth ko seedha rakhein, agar paani aur ek hissa saans lene ke liye chhor de.
[Tirmizi : 2380, an miqdad bin ma‘d yakrab]
10) Qur’an ki naseehat :-
Qur’an mein Allah ta‘ala farmata hai: “aye imaan walo! nabi ki itaat karo aur namaz se madad haasil karo, yaqeenan Allah sabr karne walon ke saath rehta hai.”
[Surah-e-Baqarah : 153]
