Islaami taareekh: (Chaar mashhoor farishton ke kaam)
Farishtay Allah ta‘ala ki ek makhlooq hain, jo noor se paida huye hain. Inhain nazron se gaayeb hain. Farishton ki sahi tadaad Allah ta‘ala hi ko maloom hai. Jin mein se chaar farishtay mashhoor hain. Hazrat Jibraeel tamam farishton ke sardar hain. Allah ta‘ala ki kitaabein aur ahkaamaat paighambaron ke paas laate thay. Hazrat Israfeel jo Qayamat mein Allah ta‘ala ke hukm se soor phoonkenge. Hazrat Mikaeel jo Allah ta‘ala ke hukm se baarish barsaate hain, hawa chalaate hain aur makhlooq ko rozi pahunchate hain. Hazrat Izraeel jo Allah ta‘ala ke hukm se tamaam makhlooq ki rooh qabz karte hain. Yeh jaan nikaltay hain.
2) Allah ki qudrat: (Makhlooq par Allah ta‘ala ka reham-o-karam)
Allah ta‘ala ne jahaan mukhtalif qism ki makhlooq banayi, waheen un ki hifazat ka mukhtalif tareeqon se nizaam bhi farma diya. Jaise Allah ta‘ala ne thandey ke aitibaar se bhi hifazat farmaayi. Jahaan garam mausam hota hai wahaan jaanwaron ke jism par baal kam hote hain aur jahaan thanda mausam hota hai wahaan un ke jism par baal zyada hote hain. Agar is ke khilaaf hota to bechaarey jaanwar garmi ya sardi ki wajah se mar jaatey. Allah ta‘ala kitna reham-o-karam wala hai.
3) Ek farz ke baare mein: (Maa baap ki farmabardari farz hai)
Har shakhs par apne maa baap ki baat maanna farz hai. Rasool (s.a.w) ne farmaya:
“Jo shakhs Allah ke liye apne maa baap ka farmabardar raha, us ke liye jannat ke do darwaaze khule rahenge aur jo un ka nafarmaan ho us ke liye jahannam ke do darwaaze khule rahenge.”
(Khuley rahenge aur agar maa baap mein se koi ek hi tha to ek darwaaza (jannat ya dozakh ka khula rahega)).
[Behiqi fi shu‘ab: 7679, an Ibn Abbas]
4) Quran aur Aap (s.a.w) se ek dua: (Gham aur pareshaani ki dua)
Rasool (s.a.w) ne farmaya:
“Jab tum ghamgeen-o-pareshaan ho to yeh dua padh liya karo.”
Tarjuma:
Allah ta‘ala mere liye kaafi hain aur wohi behtareen kaam banane waale hain.
[Abu Dawood: 3627, aur Ibn Malik]
-
Ek gunaah ke baare mein:- (Doosron ki baatein sunna)
Rasool (s.a.w) ne farmaaya: jis ne doosron ki koi aisi baat chup kar suni jis ko woh us se chupana chahte the, to Qayaamat ke din aise shakhs ke kaan mein seesa pighla kar dala jaayega.
[Tirmizi: 1751, an ibn Abbas] -
Duniya ke baare mein:- (Duniya ko aham samajhne ka wabaal)
Rasool (s.a.w) ne farmaaya: “la ilaha illallah” bandon ko allah ta’ala ki naraazgi se us waqt tak mehfooz rakhta hai jab tak ke woh duniya ke muqaable mein deen ko ziyaadah aham samajhte rahein, jab woh duniya ko aham samajhne lage to “la ilaha illallah” bhi un par lauta diya jaayega aur kaha jaayega ke tum jhoot bolte ho.
[Kanzul imaan: 217, an anas] -
Aakhirat ke baare mein:- (Zameen ka zabardast zalzala)
Quraan paak mein allah ta’ala farmaata hai: jab Qayaamat ke din zameen zabardast tareeqe se hilaadi jaayegi aur woh apne andar ki cheezon ko nikaal phenkegi to insaan us haal ko dekh kar kahega ke zameen ko kiya huwa? Us din zameen woh tamaam cheezein bata degi jo us par ki gayi hongi (ke falah shakhs ne mujh par achhai ya bura amal kiya tha) aur yeh sab allah ke hukm se hoga.
[Makhooz az Quraan Surah-e-zilzal: 1-5] -
Quraan aur tib-e-nabvi se ilaaj:- (Khajoor ke patton ki raakh se zakhm ka ilaaj)
Uhud mein jab Aap (s.a.w) ka chehra mubarak zakhmi ho gaya to Rasool (s.a.w) ki sahabzaadi hazrat Fatima khoob dhoti theen aur hazrat Ali zakhmoon par paani bahaate the, jab hazrat Fatima ne dekha ke khoon band hone ke bajaaye badhta ja raha hai to unhon ne (khajoor ke patton ki) chhaal ka ek tukda jalaaya, aur jab woh raakh ho gaya to us ki raakh zakhmoon par laga di gayi jis se khoon band ho gaya.
[Bukhari: 2903, an sahal]
faidah: khajoor ke patton ki raakh khoon ko band kar deti hai aur agar taza zakhmon par jin se khoon beh raha ho chidak de to khoon band ho jaata hai.
[Zadulmaad]
-
Quraan ki naseehat:
Quraan paak mein allah ta’ala farmaata hai: bila-shuba jo shakhs allah ta’ala ke dar se gunaahon ko chhod deta hai aur (musibaton par) sabr karta hai to allah ta’ala aise naik kaam karne walon ko achha badla zaroor deta.
[Makhooz az Surah-e-yusuf: 901) Islaami tareekh: – (Allah ke paigamber aur kitaabein)
Allah ne logon ki hidayat ke liye kam-o-beshi ek laakh chaubees hazaar nabiyon ko bheja jin mein se kuch rasool bhi the. Hazrat Aadam sab se pehle nabi the aur hazrat Muhammad (s.a.w) sab se aakhri nabi hain. Hamare nabi (s.a.w) ke baad Qayamat tak koi nabi ya rasool nahi aayega. Allah ta’ala ne nabiyon par aasmaani saheefe aur kitaabein naazil farmaayi jin mein se 100 saheefe par hazrat Idrees par, 10 saheefe hazrat Ibrahim aur 10 saheefe hazrat Shees par, 30 saheefe hazrat Moosa par naazil farmaaye, aur kitaabon mein Taurat hazrat Moosa par, Zaboor hazrat Dawood par, Injeel hazrat Isa par aur hamare nabi (s.a.w) par hijrat se 13 saal pehle Qur’an naazil hona shuru hua aur 23 saal ke arsey mein mukammal hua.
[Makhooz az Fazaail Aamaal, 516-o-talimul Islaam]
2) Allah ki qudrat: – (Badan ke jod)
Allah ta’ala ne hamare poore badan ko kaisi achhi tarteeb se banaaya, us mein kai jod banaaye hain, uski wajah se hum ko kitni sahulat hoti hai, jismein saare kaam aasaani se kar lete hain, agar koi ek jod bhi kaam na kare to hum kitni takleef hoti yeh hum sooch sakte hain. Waaqai Allah badi hikmat waala hai.
3) Ek farz ke baare mein: – (Allah ta’ala ki sifaat par imaan)
Jis tarah Allah ta’ala ki zaat par imaan laana laazmi hai, usi tarah Allah ta’ala ki tamaam sifaat par imaan laana bhi har musalmaan ke liye farz hai; jaise Allah hum sab ko rozi deta hai, hamaari har cheez ko dekhta aur sunta hai, hamesha se hai aur hamesha rahega, na us ko kabhi neend aati hai aur na woh kabhi sota hai, is tarah woh bahut si sifaat ka maalik hai. Khud Allah apne baare mein Qur’an mein farmaata hai, woh badi khoobiyon waala hai.
[Surah-hood, 73]
Khulaasa: – Allah ki tamaam sifaat par imaan laana farz hai.
4) Quran aur Huzoor (s.a.w) se ek dua: – Zaalimon se hifaazat ki dua
Dushmanane islam ki jaanib se jab mushkilaat aur pareshaniyon ka saamna ho to is dua ka Ahitmam karna chahiye:
“رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا”
tarjmah: Aye mere parwardigaar! mujhe zaalimon qoum se bacha.
[Surah-e-qasas: 21]
5) Ek nafil aamal ki fazeelat: – (Ashoora (10 muharram) ke roze ka sawaab)
Rasool (s.a.w) se muharram ki dasveen tareekh ke roze ke mutaaliq poocha gaya to Rasool (s.a.w) ne farmaaya: yeh roza pichhle saal ke saare gunahon ka kaffara ban jaata hai.
[Muslim: 2747, an abi qataada] -
Quraan mein Allah ta’ala farmaata hai:
“behaayi (ya’ni badkaari) ke jitney tareeqe hain un ke kareeb bhi mat jaao chahe woh khullam khulla ho ya chupa hua ho.”Khulaasah : behaayi aur besharmi ki wajah se bade bade gunaah ho jaate hain. Allah hum sab ki hifaazat farmaaye.
7) Duniya ke baare mein :- (Duniyadar ka ghar aur maal)
Rasool (s.a.w) ne farmaaya : duniya us shakhs ka ghar hai jis ka aakhirat mein koi ghar nahin aur (duniya) us shakhs ka maal hai jis ka aakhirat mein koi maal nahin aur duniya ke liye woh shakhs (maal) jama karta hai jo nasamajh hai.8) Aakhirat ke baare mein :- (Jannat mein pehle jaane waale)
Rasool (s.a.w) ne farmaaya : jo log sab se pehle jannat mein jaayenge un ke chehre chaudhvi ke chand ki tarah chamakte honge, woh bilkul saaf suthrey honge, un ke bartan aur kanghey sone aur chaandi ke honge, un ke munh se mushk ki khushboo aayegi, har ek ko do aisi hoorein milengi jin ke pairon ki haddiyon ka gooda khubsoorti ki wajah se pindliyon ke gosht se saaf nazar aayega, aur woh donon hoorein aapas mein aisi hum khayaal hongi jaise ke donon ka dil ek ho aur subah-o-shaam woh allah ki badaai aur us ki ta’reef karti hongi.9) Quraan aur tib e nabvi se ilaaj :- (la ilaaj marz)
kabhi insaan ko aisey rog aur aisi bimaariyan ho jaati hain ke ilaaj karte karte thak jaata hai, us mauqe par is aayaat ko kasrat se padheh:
رَبِّ إِنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ
Tarjamah : Aye mere rab! Mujhe bimaariyon ne gher liya hai aur tu hi sab se ziyaadah raham farmaane waala hai. Insha allah yeh dua har bimaari mein nafa de gi.10) Nabi (s.a.w) ki naseehat:
Rasool (s.a.w) ne farmaaya : agar tum kisi ko buraayi karte dekho, to apne haath se roko, agar haath se na rok sako to zubaan se roko aur agar zubaan se bhi na rok sako to apne dil mein bura samjho aur yeh imaan ka sab se kamzor darja hai.
